முத்தம்

தூய அன்பாகவும் பாசமாகவும்
அன்னையிடம் உணரும்
ஆச்சர்யமாகவும் ஆனந்தமாகவும்
குழந்தையிடம் உணரும்
வெட்கம் குழைத்த புரியாத இன்பமாக
காதலர்கள் உணரும்
காதலாகவும் முரட்டுக் காமமாகவும்
கணவன்-மனைவி உணரும்
ஆறுதலாகவும் அரவணைப்பாகவும்
வயசாளிகள் உணரும்
இச்சையின் ஆரம்ப நிலையாக
காமவேட்கையின் தொடக்கமாகப்
பலரும் முரண்பாடாக உணரும்
எவரும் தவிர்க்க விரும்பாத தவிர்க்க இயலாத
ஒரு தொடுமொழி
ஒரு மென் தீண்டல்
ஒரு அழகிய உணர்வு
முத்தம்!